Марсел Пруст (1871–1922) е еден од најзначајните француски писатели и еден од највлијателните автори на модерната книжевност. Најпознат е по монументалниот романски циклус „Во потрага по изгубеното време“, во кој со исклучителна психолошка длабочина ги истражува сеќавањето, времето, љубовта и човечката свест. Пруст е препознатлив по својот стил со долги, прецизно нијансирани реченици и по т.н. „неволно сеќавање“, кое станува клучен книжевен мотив. Целокупниот циклус на македонски јазик е преведен од проф. Ѓорѓи Марјановиќ, со што ова капитално дело станува целосно достапно и за македонската читателска публика.